2022 Haerenga Pōti ki tō Hāpori

Ka tīmata tētahi whakahaerenga pōti ā-rohe i tēnei marama hei āki i ngā tāngata e noho ana ki Te Tai Tokerau ki te whakauru, ki te tū mō te kaunihera me te pōti mō ngā pōtitanga rohe kāwanatanga a te Whiringa-ā-Nuku.

Ka tautokohia tēnei whakahaerenga pōti mā tētahi wēne kua tāraia ki te tohu ‘2022 Haerenga Pōti.’ Ka haereere ki ngā marae, ngā kaupapa hāpori, ngā whare kāwhe huri noa i Te Tai Tokerau mai i te marama o Pīpiri, tae atu ki te marama o Whiringa-ā-Nuku. Ko te whāinga, kia tuku mōhiohio ki ngā hāpori mō te whakauru ki te pōti (Tū Rangatira mai), te tautapa ki te tari (Tū Kōtahi mai), me te pōti ( Mō te āpōpō).

Ka tū ngā pōtitanga rohe kāwanatanga o Aotearoa  ia toru tau, ā, ko te wā tuku i ngā pepa pōti ki ngā kōwhiringa pōti hei te marama o Mahuru. Hei te Rāhoroi, 8 o Whiringa-ā-Nuku te rā whakamutunga mō te pōti, ā, ka kapi hei te poupoutanga o te rā.

Ka rerekē ngā pōtitanga o Te Tai Tokerau i tēnei tau. E toru ngā take mō tēnei;

Kua piki te tapeke o te tokomaha o ngā kaikaunihera mai i te iwa, ki te tekau.

Ko tēnei te pōtitanga kaunihera tuatahi o Te Tai Tokerau ki te whakamahi i te pūnaha mō te ōwehenga Whakawhitinga Pōti Tapatahi (STV) atu i te pūnaha tuatahi ki te hipa i te pou (FPP).

Ko tēnei hoki te pōtitanga rohe ka whai wāhi mai ngā wāri Māori nō Ngā Tai o Tokerau.

Tokowhā ngā kaitono pōti ka kōwhiria hei māngai ki tēnei wāri hou.

Hei tā Blair King (te Kaiwhakahaere Matua o te Kaunihera), ka haereere te Haerenga Pōtitanga 2022 i Te Taitokerau hei urupare i ngā urupounamu ka toko ake pea i ngā tāngata e noho ana ki te Tai Tokerau me ngā kaiutu rēti, mō te pōtitanga i tēnei tau.

“ E whakawhirinaki ana tātou katoa ki ngā ratonga e tukuna ana e ngā kaunihera, pēnā i te wai, te waiparu me ngā rori. Mātua ake i tēnā, e tukuna ana e ngā kaunihera ngā ratonga whakatau wāhi matua pēnā i ngā whenua tāpui, whare hākinakina, papa tākaro me ngā whare pukapuka hei whakawhanake i ā tātou hāpori hei wāhi noho hāneanea.”

Hei tāna, mā te kuhu ki ngā pōtitanga rohe e whai wāhi ai ngā tāngata o te hāpori ki te pōti mō te rohe māngai me te whai wāhi hoki ki ngā whakataunga e whakaawe nei i te hāpori katoa.

A muri i te tukuhanga atu o ngā pākete pōti ki ngā kaiwhiriwhiri a te Mahuru, ko tētahi tāpiritanga hou ki te kōwhiringa tuku pōti, ko te wēne Haerenga Pōti 2022 ki ngā hāpori me te Kawe Pouaka Pepa Pōti. Ko te whāinga kia āki i ngā hāpori he uaua te toro atu, ki te pōti.

Ka tautokohia hoki tēnei whakahaerenga pōti 2022 mā tētahi ataata. E whakatairanga ana te ataata i whakaputaina e te kaunihera, i te kanorau o tō tātou rohe, ā, ka tukutahi atu mā te ipurangi i roto i ngā reo e toru o Aotearoa- Te Reo Māori, Te Reo Pākeha me te Reo Torohū o Aotearoa. He tuatahitanga tēnei kua whakaputaina e te kaunihera i tētahi ataata i roto i ngā reo e toru o Aotearoa:

Ko ngā rangi matua mō te pōtitanga rohe kāwanatanga:

• Rāmere, 15 o Hōngongoi 2022- ka tūwhera ngā tautapatanga.
• Rāmere, 12 o Here-turi-kōka- ka kapi ngā tautapatanga.
• 12 o Mahuru- 21 o Mahuru- ka tukuna atu ngā pepa pōti ki ngā kaiwhiriwhiri.
• Rāhoroi, 8 o Whiringa-ā-Nuku- Rā pōti.

Ki te pōwhiri i te wēnei Haerenga Pōti 2022 ki tō hāpori, mō ētahi mōhiohio anō rānei, tēnā toro atu ki te paetukutuku pōti ki:

www.fndc.govt.nz/Local-Elections-2022